Die 48-jarige Maree is tot 10 jaar gevonnis waarvan vyf jaar opgeskort is.  Hy is daaraan skuldig bevind dat hy meer as 900-duisend rand van die Nasionale Bemagtigingsfonds na sy eie rekening oorgeplaas het terwyl hy hoof van dié instansie was.  Maree is verlof tot appèl toegestaan en sy borgtog is verleng.  Maree, wat veral in die 15-honderd meter uitgeblink het, het hom in die laat 1970’s in Amerika gevestig weens die sportboikot teen Suid-Afrika en in 1984 in die kleure van Amerika aan die Olimpiese Spele in Los Angeles deelgeneem.