|
Goeie nuus vir Suid Afrikaanse petrolprys |
|
|
|
|
Woensdag, 13 Augustus 2008 |
|
Die Suid Afrikaanse petrolprys kan in September met die grootste persentasie in meer as tien jaar daal.
‘n Ekonoom, Mike Schüssler, beraam dat die verlaging ongeveer een rand per liter vir petrol en een rand 60 sent vir diesel sal wees.Hy sê die brandstofprys kan skerp daal indien ruoliepryse laag bly en die Suid-Afrikaanse geldeenheid , die Rand, stewig bly. Ekonome het 'n beroep op die Reserwebank se monetêre beleidskomitee gedoen, wat vandag in Pretoria byeenkom om oor uitleenkoerse te besin, om die uitleenkoers onveranderd te laat. Van die kwessies wat die komitee moet oorweeg is die beter inflasie-vooruitsigte weens laer olie- en brandstofpryse en die sterker Rand. Ander faktore wat deur die Reserwebank oorweeg moet word sluit in stadiger groei in verbruikersbesteding en swakker groei in die verkope van eiendom en voertuie. |
