Zimbabwe se hoof opposisieleier, Morgan Tsvangirai, het gisteraand die hotel in Harare, waar hy onderhandelings met pres. Robert Mugabe oor magsdeling gevoer het, verlaat sonder om kommentaar oor die jongste ronde samesprekings ter lewer. Tsvangirai het slegs laat blyk dat die SAOG bemiddelaar , pres. Thabo Mbeki, 'n verklaring oor die onderhandelinge sal maak. Die MDC se sekretaris-generaal, Tendai Biti, het ontken dat die jongste ronde onderhandelings tussen Mugabe en Tsvangirai   misluk het en sê dit sal waarskynlik vandag hervat word. Die belangrikste struikelblok is blykbaar hoeveel magte Mugabe bereid is om aan die MDC in 'n eenheidsregering af te staan.