|
Drie van Waterkloof-Vier meld aan vir tronkstraf |
|
|
|
|
Maandag, 11 Augustus 2008 |
|
Drie lede van die sogenaamde Waterkloof Vier, Reinach Tiedt, Frikkie du Preez en Gert van Schalkwyk, het hulle vanmiddag by die Pretoriase landdroshof aangemeld om hul tronkstraf te begin uitdien.
Christoff Becker is na wat verneem word in die Kaap. Die senior staatsaanklaer, Johan Kruger, het vroeër bevestig dat die vier voor die einde van die dag hulle opwagting by die hof moet maak om hul
vonnisse van 12 jaar te begin uitdien. Becker se aansoek om verlenging van sy borgtog hangende 'n aansoek in die Konstitusionele Hof, is vanoggend in die Pretoriase Hooggeregshof verwerp. |
