|
Waterkloof Vier vandag tronk toe |
|
|
|
|
Maandag, 11 Augustus 2008 |
Die sogenaamde Waterkloof Vier moet hulle vandag by die tronk aanmeld nadat een van hulle, Christoff Becker, se aansoek om sy borgtog te verleng, misluk het.
Regters Willie Sereti en Piet Ebersohn van die Pretoriase Hooggeregshof het Becker se aansoek om verlenging van sy borgtog hangende 'n aansoek in die Konstitusionele Hof verwerp. Dit beteken in effek dat Becker en sy drie mede-veroordeeldes, Reinach Tiedt, Frikkie du Preez en Gert van Schalkwyk, hulle vandag moet aanmeld om hul tronkstraf van 12 jaar weens moord te begin uitdien. Dit volg ná 'n jarelange regsproses nadat die vier skuldig bevind en gevonnis is weens die moord op 'n onbekende man in 'n Pretoriase park.
Hulle het sedertdien alle regsopsies tot hul beskikking uitgeoefen om te probeer keer dat hulle in die tronk beland. |
