|
Hoof van vloot aangekeer in Guinee-Bissau |
|
|
|
|
Saterdag, 09 Augustus 2008 |
|
Die hoof van die vloot in Guinee-Bissau in Wes-Afrika is in hegtenis geneem nadat hy glo beplan het om president Joao Bernardo Vieira in ‘n staatsgreep tot ‘n val te bring.
Volgens ‘n leërwoordvoerder is vise-admiraal Americo Bubo Na Tchuto in hegtenis geneem nadat hy senior offisiere geskakel het om te help om van Vieira ontslae te raak. Die beweerde staatsgreeppoging het gekom te midde van politieke wanorde in die land nadat die president die parlement ontbind het weens die bedanking van een van die hoofpartye uit die eenheidsregering ‘n maand gelede. Na Tchuto is in huisarres geplaas, terwyl ‘n ondersoek aan die gang is. |