Mynmaatskappye het vanoggend aangedui dat skagte orals leegstaan nadat
werkers gehoor gegee het aan die vakverbond se oproep om aan vandag sewegblyaksie deel te neem.Die myne van die land se drie goudreuse, AngloGold Ashanti, Gold Fields en Harmony is na berig word ook deur die eendaagse staking lamgelê. Motorvervaardigers Volkswagen en Mercedes–Benz het vandag hul fabrieke in die Oos-Kaap gesluit terwyl die klere- en tekstiel werkervakbond Sactwu skat
dat 90 persent van die 131-duisend werkers in dié sektore vandag staak. Die betogings in verskeie stede en dorpe het vreedsaam verloop en geen berigte van geweldpleging of saakbeskadiging is nog ontvang nie. Duisende Cosatu betogers na die departement van minerale en energie in Pretoria geloop om ‘n griefskrif aan ‘n senior amptenaar te oorhandig. In Kaapstad het meer as ‘n duisend mense opgedaag om aan die optog na die parlement deel te neem. Werkers in die Vrystaat het ook vanoggend op Thabong in Welkom aan ‘n protesoptog na die kantore van die plaaslike munisipaliteit deelgeneem.Ongeveer tweeduisend mense het op Vredendal in die Wes-Kaap byeengekom om aan ‘n Cosatu-geleide protesoptog deel te neem.