|
Mugabe nie Vrydag in Beijing |
|
|
|
|
Dinsdag, 05 Augustus 2008 |
|
Zimbabwe se president Robert Mugabe is glo deur Sjina se kommunisteparty aangesê om nie Vrydag se openingseremonie van die Olimpiese Spele in Beijing by te woon nie.
Dit ondanks die feit dat Sjina en Zimbabwe ‘n noue verbintenis het.Die Sydney Morning Herald sê dit volg nadat wêreldleiers die Sjinese regering oorreed het dat Mugabe nie genooi moet word nie.Volgens die koerant is Mugabe in Hong Kong meegedeel dat hy nie welkom sal wees nie.Die openingseremonie sal onder meer deur verskeie wêreldleiers, insluitende president George Bush en sy Franse ampsgenoot, Nicolas Sarkozy, bygewoon het. Mugabe se woordvoerder, George Charamba, het oor die naweek aangekondig dat sy leier nie Vrydag in Beijing sal wees nie. Die onderhandelinge in Pretoria tussen Mugabe se Zanu-PF party en die opposisie MDC-party is as rede aangegee.Charamba sê Mugabe beskou die onderhandelinge as van groot belang en dit is waarom hy nie na Beijing gaan nie. |