Israel se eerste minister, Ehud Olmert, en die Palestynse president Mahmud Abbas sal môre die eerste keer weer in Jerusalem vergader sedert Olmert aangekondig het dat hy gaan uittree.

Volgens die Palestynse hoof-onderhandelaar, Saeb Erakat, sal die twee leiers oor die Amerikaans-gesteunde vredesproses, Israelse beheerpunte en sluitings in die Wesoewer en die lot van duisende Palestynse gevangenes praat.Die toekoms van die gesprekke tussen Israel en die Palestyne is onduidelik ná Olmert se besluit dat hy gaan uittree nadat sy Kadima-party in September ‘n nuwe leier gekies het.