|
Spesiale ondersoekspanne vir 2010 |
|
|
|
|
Dinsdag, 05 Augustus 2008 |
Spesiale ondersoekspanne en howe word in die vooruitsig gestel om in 2010 net sake te hanteer wat met die Wêreldbeker-sokkertoernooi verband hou.
Die polisie se senior superintendent Vishnu Naidoo sê die gedagte is dat sulke sake so gou as moontlik ondersoek en verhoor word om te voorkom dat buitelandse besoekers wat dalk betrokke is, later teen groot koste vir hofsake na Suid-Afrika teruggebring moet word.
Die spesiale ondersoekspanne en howe vorm deel van ’n veiligheidsplan wat vir 2010 opgestel is en waarby verskeie Suider-Afrikaanse state betrokke is. |
