Die begin van volskaalse onderhandelings oor Zimbabwe sal na verwagting uiteindelik
vandag in Suid-Afrika afskop nadat dit gister, vir 'n tweede agtereenvolgende dag uitgestel moes word. ZANU-PF en die MDC se hoof onderhandelaars het steeds nie in Pretoria opgedaag waar die onderhandelings binne twee weke afgehandel moet word nie. Die vertragings beteken dat die hoof bemiddelaar, president Thabop Mbeki van Suid-Afrika, die eerste sessies sal misloop aangesien hy vandag na die Europese Unie beraad in Frankryk moet vertrek.