Die party se sekretaris-generaal, Gwede Mantashe sê die ANC is daarvan oortuig dat die hoë vlakke van geweld, 'n vry en regverdige verkiesing in Zimbabwe onmoontlik maak.Hy het 'n beroep op die MDC en ZANU-PF gedoen om 'n skikking te bereik en gesê die krisis kan net deur die inwoners van Zimbabwe bygelê word.Die ANC sê hy is onthuts met president Robert Mugabe se regerende ZANU PF-party wat nie mense se demokratiese regte in Zimbabwe respekteer nie en dit na willekeur vertrap. Die ANC het in ‘n verklaring gereageer op die wydskaalse aanvalle op en intimidasie van MDC ondersteuners en ampsdraers in die aanloop tot die presidensiële uitklopverkiesing. Die MDC-leier Morgan Tsvangirai het hom weens die staats-gesteunde geweld teen sy ondersteuners aan die verkiesing onttrek. Hy skuil tans in die Nederlandse ambassade in Harare omdat hy vir sy lewe vrees.