Hy het op ‘n saamtrek in Kadoma gesê die party MDC en sy leierskap kan binnekort aanspreeklik gehou word vir geweldsmisdade in die land. Mail & Guardian berig dat die MDC
Mugabe se dreigemente onmiddellik verwerp het. Mugabe se beskuldigings volg op die naweek se waarskuwing dat hy gereed is om te veg om te verhoed dat die opposisie die bewind oorneem. Die MDC beweer intussen nog twee van sy aktiviste is deur lede van die regerende Zanu-PF vermoor tydens verkiesings-geweld. Die party sê dit bring die sterftesyfer sedert Maart se verkiesing op 70 te staan. Victor Mungazi, ‘n MDC-ampsdraer in die onrusgeteisterde Masjonaland, is dood nadat hy na bewering vroeg gisteroggend deur Zanu-PF-ondersteuners ontvoer en erg aangerand is. In ‘n ander voorval is ‘n hoërskool-onderwysers ook na bewering ontvoer en doodgeslaan nadat hy daarvan beskuldig is dat hy die MDC ondersteun.