|
Suid Afrika praat oor Tsvangirai se aanhouding |
|
|
|
|
Saterdag, 14 Junie 2008 |
|
Suid-Afrika sê die inhegtenisname van leiers van die opposisie en die geweld in Zimbabwe moet aangespreek word voor die opvolgverkiesing.
Die Adjunkminister van Buitelandse Sake, Aziz Pahad, sê ernstige kommer heers oor die geweld in Zimbabwe. Hy sê President Thabo Mbeki bespreek die kwessies met die Zimbabwiese leiers. Pahad sê die Suid-Afrikaanse regering sal 70 waarnemers stuur wat deel uitmaak van die Suider-Afrikaanse Ontwikkelingsgemeenskap se waarnemingspan in Zimbabwe. Intussen het die Universiteit van Massachusetts se raad van trustees ‘n eregraad teruggetrek wat twee dekades gelede aan Mugabe toegeken is. Hy het die eredoktorsgraad in regte in 1986 ontvang, toe baie hom beskou het as ‘n leier wat hom beywer het vir demokrasie en hervorming in Afrika. Die hoof van die universiteit, Jack Wilson, sê Mugabe se menseregteskendings het die teendeel bewys. Die universiteit het nog nooit voorheen ‘n eregraad teruggetrek nie. |
