|
Duisende kinders staar probleme in die gesig in Zimbabwe |
|
|
|
|
Vrydag, 13 Junie 2008 |
Zimbabwe se verbod op internasionale bystandsorganisasies het honderdduisende kinders in die land sonder gesondheidssorg en voedsel gelaat.
President Robert Mugabe se regering het verlede week alle bystandsgroepe en nie-regeringsorganisasies aangese om hul bystandswerksaamhede te staak. Die effek van die opdrag is, volgens die
Verenigde Nasies se Kinderfonds, om sowat 500,000 kinders sonder gesondheidssorg, voedsel, MIV/Vigs bystand en opvoedingsgeleenthede te laat. Baie van die kinders wat geraak word, is boonop wesies. Volgens die VN Kindervonds se streeksdirekteur vir Oos en Suidelike Afrika, Per Engebak, sal baie nie die winter oorleef sonder nodige bystand nie. Sommige van die kinders in die land het ook slagoffers van politieke geweld geword sedert die verkiesings van 29 Maart. |
