Springbok-afrigter Peter de Villiers sê hy is tevrede met die Springbokke se oorwinning van 43-17 gister in die eerste toets teen Wallis in Bloemfontein.

Hy het veral die kapteinskap van John Smit aangeprys. Volgens De Villiers is daar ‘n paar dinge waaraan gewerk sal moet word voor Saterdag se tweede toets soos die skrums wat deur Wallis oorheers is.Die Walliese afrigter, Warren Gatland, sê sy span se hanteerwerk en dissipline was nie op standaard nie en hulle vertoning was ‘n verleentheid.Hy sê Wallis is egter deur ‘n beter span geklop en die Springbokke was ‘n
tipiese fisieke Suidelike Halfrond-span. Suid-Afrika, wat rustyd met 22-10 voorgeloop het, het vier drieë gedruk teenoor die twee van Wallis.Losskakel Butch James het 23 punte aangeteken nadat hy met al sy skoppe pale toe suksesvol was.Hy is ook aangewys as speler van die wedstryd.