|
Tsvangerai kan stemme verloor omdat hy nie na die land terugkeer nie |
|
|
|
|
Maandag, 19 Mei 2008 |
Politieke ontleders sê die versuim van Zimbabwe se opposisieleier, Morgan
Tsvangirai, om na die land terug te keer, knou sy geloofwaardigheid en kanse
om Robert Mugabe as president te onttroon.
Tsvangirai, wat reeds ses weke uit Zimbabwe is om diplomatieke druk teen
Mugabe op te bou, het die naweek sy terugkeer na Zimbabwe onbepaald
uitgestel weens ‘n beweerde sluipmoordkomplot teen hom. Politieke kommentators sê egter ongeag die gevare, skep Tsvangirai se
afwesigheid bedenkinge oor sy leierskap. John Makumbe van die Universiteit van Zimbabwe sê indien hy nie terugkeer
nie, sal dit die indruk laat dat hy bang is vir Mugabe en dat hy dus ‘n
swakker leier as Mugabe is. |
