Dié aankondiging is deur die land se verkiesingskommissie gedoen.

Nie een van president Robert Mugabe of die leier van die Beweging vir
Demokratiese Verandering, Morgan Tsvangirai, het 'n volstrekte meerderheid
in die eerste ronde op 29 Maart behaal nie.

Intussen het Mugabe vanoggend op ‘n vergadering van sy Zanu-PF-party erken
dat sy nederlaag in die eerste ronde rampspoedig was.

Hy het gesê hoewel die verkiesing nie ‘n algehele wenner opgelewer het nie,
was dit rampspoedig.

Die Pan Afrika Parlement (PAP) het op die laaste dag van sy sitting in
Midrand gesê hy is gereed om nóg 'n waarnemersending na Zimbabwe te stuur.

Die president van die PAP, Gertrude Mongella, sê hulle probeer om geld te
kry om waarnemers na sewe komende verkiesings in Afrika te stuur.

Sy sê die doel is nie om die verkiesings te beoordeel nie, maar om die
proses van demokratiese verkiesings op die vasteland te bevorder.