Die wêreld se grootste myngroep, BHP Billiton, sê hy voer onderhandelinge met Eskom om werksaamhede  by sy aluminium-aanlegte in Suider-Afrika weens die huidige elektrisiteitskrisis lewensvatbaar te probeer hou. 'n Woordvoerder van  die myngroep, Bronwyn Wilkinson, sê dis onveilig om sy drie smelterye  met verminderde krag te bedryf. Eskom het Suid-Afrikaanse mynmaatskappye verlede maand opdrag gegee om hulle kragverbruik met tien persent te verminder om kragonderbrekings te keer.

Die ontsetelde Thaise Eerste Minister, Thaksin Shinawatra, is borgtog toegestaan deur die Hoogeregshof in Thailand op korrupsie klagtes, maar is beopdrag om nie die land sonder die hof se toestemming te verlaat nie.

Thaksin is op borgtog van 250 000 Amerikaanse Dollar vrygelaat na ‘n verhoor wat 20 minute geduur het. Hy word ook verhoed om aan enige aktiwiteite deel te neem wat die amptelike ondersoek kan belemmer.

Volgens'n verklaring van die Universiteit van die Vrystaat het hulle hulle prokureurs  opdrag gekry om kriminele klagtes teen die studente betrokke by die vervaardiging van die rassistiese video te lê.Twee van die studente van die Reitzkoshuis waar die video gemaak is, is verbied om op die kampus te kom. Die ander twee het sedert die maak van die video in September verlede jaar hulle studies voltooi en is nie meer aan die Universiteit verbonde nie, aldus die woordvoerder van die Universiteit van die Vrystaat, Anton Fisher.

Die Pretoriase sanger Robbie Klay het ‘n klagte by die polisie ingedien oor ‘n oom wat hom na bewering sewe jaar lank seksueel misbruik het. Die bekende sanger Jurie Els het onlangs ‘n hofinterdik teen  Huisgenoot  en You verkry oor ‘n artikel in die twee tydskrifte  waarin Klay oor die beweerde molestering uitwei.