|
Krieketnuus: Indië het sy eerste beurt begin op dag drie |
|
|
|
|
Vrydag, 28 Maart 2008 |
|
Indië het sy eerste beurt op die derde dag van die eerste toets teen Suid-Afrika in Chennai hervat met die telling op 82 sonder verlies. Suid-Afrika is gister vir 540 lopies uitgehaal wat beteken dat die Indiërs nog 'n agterstand van 458 lopies het. |
|
|
Vrydag, 28 Maart 2008 |
|
Veertig passasiers, insluitend vier kinders, is dood in 'n busongeluk in Uganda. Die polisie sê die bus het op Kingo sowat 210 kilometer wes van die hoofstad, Kampala, omgeslaan toe die bestuurder probeer het om 'n ander voertuig verby te steek. Baie van die insittendes het verkool toe die bus aan die brand geslaan het. Tien mense het die ongeluk oorleef. |
|
|
Internasionale joernaliste veroordeel Zimbabwe |
|
|
|
|
Vrydag, 28 Maart 2008 |
|
Internasionale joernaliste het Zimbabwe veroordeel omdat akkreditasie feitlik aan elke groot nuusorganisasie buite die land geweier is om die naweek se presidents- en parlementêre verkiesing te dek. Groot nuusorganisasies soos die BBC, CNN, Associated Press en die New York Times is almal die reg ontsê om die verkiesing te dek, terwyl Sweedse, Franse, Japannese, Spaanse en Duitse media ook nie toegelaat is nie. Die Buitelandse Korrespondente-vereniging van Suider-Afrika wat 192 joernaliste van 22 media-organisasies verteenwoordig sê die Zimbabwiese regering verwerp vrese van verkiesingsbedrog, maar die vraag is waarom hy probeer om die verkiesing weg te hou van die oorgrote meerderheid professionele joernaliste. |
|
|
Krieketnuus: Einde van dag twee tussen Suid Afrika en Indië |
|
|
|
|
Donderdag, 27 Maart 2008 |
|
Indië het sy eerste beurt goed begin en 82 lopies sonder verlies aangeteken op die tweede dag van die eerste toets teen Suid-Afrika in Chennai. Suid-Afrika is vroeër vir 540 lopies uitgehaal. |
|
|
Regsliggaam in Zimbabwe veroordeel aanhouding van Suid Afrikaanse vlieënier |
|
|
|
|
Donderdag, 27 Maart 2008 |
|
Die regsliggaam, "Zimbabwe Lawyers for Human Rights" het die aanhouding van 'n Suid-Afrikaanse vlieënier, wat Dinsdag in Harare in hegtenis geneem is, veroordeel. Die regsliggaam voer aan dat die beskuldigde, Brendon Bridge Smyth binne 48 uur van sy inhegtenisneming in 'n hof moes verskyn. Die kanse bestaan dat Smyth selfs nié vandag in die hof sal verskyn nie. Daar is egter omstredenheid rondom die vlieënier se regte naam. Sy prokureur sê hy is Brendon Bridge, terwyl die Suid-Afrikaanse hoë-kommissaris sê sy naam is Brenton Bridge Smyth. |
|
|
|
<< Eerste < Vorige 1 2 3 4 5 6 7 8 9 10 Volgende > Laaste >>
|
| Resultate 64 - 72 van 367 |
