Amerikaanse Weermag suksesvol met sateliet
Donderdag, 21 Februarie 2008
Die Pentagon het aangekondig dat die Amerikaanse Weermag suksesvol was om met 'n taktiese misiel die onklaar sateliet af te skiet. Dr Matie Hoffamn Sterrekundige het met Kosmos 94.1 gesels
Woensdag, 06 Februarie 2008
Die rand het vanoggend skerp terug gesak toe wêreldsentiment verder verswak het weens vrese oor die Amerikaanse ekonomie. Analiste sê die eenheid het verswak nadat inligting oor ‘n ineenstorting op die nie-vervaardigende ISM-aanwyser opnuut vrese laat toeneem het vir ‘n resessie. Die aanwyser is ‘n aanduiding van die prestasie van die reuse dienste-sektor in Amerika.
De Villiers optimisties oor Super 14
Woensdag, 06 Februarie 2008
Nuwe Springbokafrigter Peter de Villiers meen drie Suid-Afrikaanse spanne kan vanjaar deurdring na die halfeindronde van die Super 14-reeks. Hy het gister die Stormers toegespreek. De Villiers se optimisme spruit uit die naweek se opwarmingswedstryd tussen die verdedigende kampioen, die Bulls, en die Lions in Windhoek. Daar word berig dat De Villiers se boodskap aan die Stormers was dat vertonings in die Super 14 die belangrikste faktor is vir Springbokkleure en dat almal ‘n gelyke kans het.
Beweerde gesteelde vliegtuig ontruim buitelanders uit Tsjad.
Woensdag, 06 Februarie 2008
'n Suid-Afrikaanse vliegtuig wat by die Randburgse polisie as gesteel aangemeld is, word vermoedelik gebruik om buitelanders uit die oorloggeteisterde Tsjad na Nigerië te vervoer. Die King Air 200 is al gebruik om die Hollywood-akteur George Clooney van Tsjad na Darfoer te vervoer. Dit het egter sedertdien die middelpunt geword van ‘n regsgeding in Suid-Afrika nadat die verkoop daarvan gekanselleer is. Die Suid-Afrikaanse eienaar het gesê hy het die owerhede van Kameroen gister gevra om te verhoed dat die vliegtuig weer opstyg as dit in die land sou land onderweg na Nigerië.
Maandag, 04 Februarie 2008
Nuusagentskappe berig dat Iran 'n toetsvuurpyl afgevuur het. Die Iranse staatstelevisie het die aankondiging gedoen, maar geen beeldmateriaal daaroor is uitgesaai nie. Die vuurpyl word bestempel as 'n toetslopie vir Iran se eerste tuisvervaardigde navorsingsatelliet wat in Maart aanstaande jaar die ruimte ingestuur sal word. Kenners sê die vermoë om 'n satelliet die ruimte in te stuur, sal 'n boodskap aan die Weste uitstuur oor Iran se vordering met missiel-tegnologie.
<< Eerste < Vorige 1 2 3 4 5 6 7 Volgende > Laaste >> Resultate 55 - 62 van 62
