Die regering van Ekwatoriaal Guinee het volgens berigte uit die land se hoofstad Malabo 'n internasionale lasbrief vir die in hegtenisname van Mark Thatcher uigereik. Volgens berigte word Thatcher verantwoordelik gehou vir die mislukte staatsgreeppoging in 2004 teen die regering van president Teodoro Obiang Nguema.

Volgens  berigte beskik die regsverteenwoordigers van die regering van  Ekwatoriaal Guinee nou oor nuwe getuies wat Thatcher sterk impliseer. Die 54 jarige Thatcher seun van die voormalige Britse Eerste Margareth Thatcher het nog nie op die jongste beskuldigings teen hom gereageer nie.

'n Groep Afrika waarnemers in Zimbabwe het hulle kommer uitgespreek oor skynbare knoeiery wat aan die gang is met die kieserslys. Daar is volgens hulle 8,000 kiesers wat glad nie bestaan nie op die kieserslys geregisteer.

Daar is egter nie sulke name nie, en waar die kiesers veronderstel is om  te woon is daar slegs n kaal stuk grond noord van Harare. Die soort knoeiery is volgens die waarnemers van die aspekte wat president Robert Mugabe vir nog n termyn aan bewind kan bring. Geen reaksie oor die bewerings van die Afrika waarnemingsgroep is van die Zimbabwe Verkiesings Kommissie ontvang nie.