Die Springbok en Stormers flank Schalk Burger is vir twee weke geskors. Burger kan teen die vonnis appelleer. Advokaat Jannie Lubbe voorsitter van die Zansar Tugkomitee het Burger aan onsportiewe gedrag skuldig bevind . Die skorsing loop van 23 Februarie tot 8 Maart.

Twee goudmaatskappye sê hulle voorsien nie  enige werkverliese weens die huidige elektrisiteitskrisis nie. Die wêreld se derde grootste goudprodusent, AngloGold Ashanti, sê hy het geen onmiddellike planne om werkers af te dank nie.Die Harmony maatskappy sê hy is ook nie van plan om sy arbeidsmag af te skaal nie.

 Indië het sy eendagwedstryd teen Sri Lanka op Hobart met sewe paaltjies en 106 balle oor  gewen.Sri Lanka is vir 179 lopies in sy 47ste beurt uitgehaal.Indië het 180 vir drie na 32 boulbeurte en twee balle gehad.