KOSMOS RADIO 94.1
- Details
President Donald Trump se skoonseun en senior raadgewer in die Withuis, Jared Kushner, word volgens Amerikaanse mediaberigte deur die Amerikaanse speurdiens, FBI, ondersoek. Dit vorm deel van die ondersoek na beweerde Russiese inmenging in verlede jaar se verkiesing. Kushner se regsverteenswoordiger het reeds aangebied om inligting met die Kongres te deel. Kushner word ondersoek in verband met 'n vergadering in Desember met die Russiese ambassadeur en 'n Russiese bankier. Die Russiese bankier staan aan die hoof van 'n instelling wat onderwerp is aan sanksies deur die voormalige administrasie, onder meer weens Rusland se betrokkenheid in die Oekraïne.
- Details
Die Suid-Afrikaanse presidensie sê in 'n verklaring president Zuma is nie gekant teen die aanstelling van 'n geregtelike kommissie van ondersoek na staatskaping nie, maar sy regspan sê die Oenbare Beskermer het geen wetlike of konstitusionele reg om aan hom voor te skryf wat om te doen nie.Volgens die verklaring is president Zuma van mening dat sommige van die aanbevelings in die verslag van die voormalige OB, Thuli Madonsela, onregmatig, onwettig en ongrondwetlik is.
- Details
Die Blou Bulle Maatskappy het aangekondig dat die Nieu-Seelandse internasionale afrigter, John Mitchell, aangestel is as die unie se hoof van rugby.Hy sal in Junie ook die pos van hoofafrigter van die Bulls by die huidige afrigter, Nollis Marais, oorneem.Mitchell het in ses toetse vir die All Blacks gespeel en was in drie daarvan die kaptein.
